Ngadamel pancake

syabila nur aisya, 7d

 guru pembimbing: Dian Mardiana S.Pd

 Dinten kemis, abdi aya pelajaran bahasa Indonesia di sakola. Abdi di piwarang nyieun kelompok nu eusi kelompokna aya 4 jalmi. Abdi atos mendakan kelompok, eusi kelompokna aya Lily, Putri, sareng Ica. Abdi di piwarang nyieun kelompok kanggo ngadamel tuangen pikeun nilai teks prosedur. Di kumpulkeun tugasna dinten senen. Kelompok abdi jantenna ngadamel pancake.

Kelompok abdi milih ngadamel pancake sabab Lily pernah ngadamel pancake, jadi Lily terang langkah- langkah ngadamel pancake. Saatos diskusi bade ngadamel pancake di bumi saha, abdi sareng kelompok abdi satuju ngadamel pancake na di bumi Lily sabab di bumi Lily aya alat-alat na. Abdi sareng kelompok abdi udunan kanggo meser tepung terigu, margarin, baking powder sareng susu UHT. Masing- masing jalmi nyandak endog hiji ewang.

Sabab kelas abdi lebeut siang jadi abdi sareng kelompok tiasa ngadamel pancake dinten senen enjing-enjing sateacan angkat ka sakola. Jam 8 enjing-enjing abdi angkat ka bumi Lily di jajapkeun bunda, Lamun Ica sareng Putri angkat ka bumi Lily na duaan sasarengan. Saatos dugi ka bumi Lily langsung nyiapkeun alat-alat sareng bahan-bahan kanggo ngadamel pancake.

Abdi sareng kelompok abdi babagi tugas supados enggal beres. Saatos adonan pancakena jadi, Lily sareng Putri ngagoreng adonan pancake eta di wajan anu atos di olesan minyak. Lamun abdi sareng Ica ngadamel saos caramel kanggo pancake.

Abdi sareng babaturan abdi nyobian heula pancake sareng saos caramelna, ku abdi dicobian raos pisan pancakena. Abdi nyerat resep na di buku bahasa Indonesia kanggo nilai teks prosedur. Saatos sadayana beres, abdi sareng

babaturan siap-siap bade angkat ka sakola. Pas jam pelajaran bahasa Indonesia, abdi sareng babaturan presentasi di depan kelas ngajelaskeun pancake anu atos didamel ku abdi sareng kelompok.